3個有效收細毛孔既方法

Posted by admin 2016-08-15 0 Comment(s)

收細毛孔一直都係我地既護膚重點之一。

可惜百厭既毛孔總係鐘意同我地作對 ><

就算勤力左搽右搽 skin care 都係未達到我地既收細效果

究竟日常生活大家可以做多啲咩,先可以幫助收細毛孔,令皮膚望上去更加細膩光滑呢?

今日就教教大家3個基本方法去好好護理一下自己既毛孔 :)

 


 

定期用深層清潔產品,然後記住用凍水甚至係冰水洗走!

 

如果毛孔係充塞住皮脂/污垢,就算比你收細到毛孔都係於是無補!

所以好既膚質必定係由清潔開始做起~

每星期做定期既深層清潔特別重要

夜晚做好深層清潔之後

記得用凍水甚至係冰水過水洗面幾次

然後再用凍水浸過既毛巾簡單敷係面上面around 5分鐘左右

咁做可以促進面部血液循環,加快皮膚吸收養分,有效收細毛孔

 

注意:

一星期最多做2-3次深層清潔,因為過度既清潔會帶走皮膚必需既油脂,容易造成水油失衡

每次敷完凍毛巾之後都要搽返所有daily skin care,幫助維持水油均衡

 


 

朝早敷熱毛巾

 

好多時我地朝早訓醒之後都會有浮腫或者面色暗沉既問題

所以我地可以係洗面前先用溫熱既毛巾敷上面大概2-3分鐘

用毛巾既熱力嚟疏通毛孔,促進血液循環

潔面之後再用返補水保濕既 skin care

咁做唔單止可以提亮膚色,更加可以幫大家去水腫,令皮膚更加緊致水嫩

 

注意:

早上用既洗面乳一定要用有良好既保濕補水成分,特別係乾性皮膚。

 


 

睇天氣揀收縮水

 

大熱天時大家可以適量咁用含少量酒精成分既收縮水

咁樣可以有效控制油脂分泌同埋收細毛孔

不過要留意既係每當轉季/天氣變得乾燥果陣,水分特別容易蒸發

有酒精成份既收縮水可能會令皮膚變得更乾燥

所以要因應埋天氣轉變嚟轉用具有保濕功效既爽膚水

 

注意:

敏感性皮膚 / 極乾性皮膚都不適宜用有酒精成分既收縮水

建議呢類膚質既朋友可以改用天然成份既玫瑰水代替

標籤: 收毛孔 pore

Leave a Comment